Grifo Neumático:Actividade Organización da Aula-Obradoiro de Tecnoloxía

Tras moito tempo sen publicar nada debido ás esixencias do guión, volvemos ó ataque co Blog de Yago. E facémolo cun rexistro moi diferente ó habitual, cun proxecto para a asignatura de Organización da Aula Taller de Tecnoloxía do Máster de formación para o profesorado que estou cursando actualmente. A actividade en cuestión consiste na montaxe dun grifo neumático caseiro a partires de materiais común. Imos botarlle una ollada ó resultado.

Descripción:

O obxectivo do proxecto é construir un grifo neumático sinxelo, empregando materiais comúns, coma son globos, a cápsula dun carrete de fotos e un pequeño motor eléctrico. Recúbrese a cápsula do carrete de fotos con 2 globos ós que previamente se lles practicou un pequeño orificio, de xeito que temos un canal para o paso do aire. A cada extremo dos globos adaptarase unha peza cortada da tapa dun rotulador a modo de boquillas, unha para a entrada e outra para a saída do aire. Para que a posición de equilibrio do grifo sexa pechado, estrangularanse os globos xirándoos, de xeito que non permitan o paso do aire. Para estabilizar esta posición de pechado, empregase unha pequena goma elástica para manter o estrangulamento dos globos. Para a apertura do grifo emprégase un pequeno motor eléctrico, accionado por un pulsador, unindo o eixo do motor mediante un cordel ó canal que forma a cápsula do carrete, de xeito que o xiro do motor venza a resistencia da goma e faga xirar ós globos de forma que se liberen do estrangulamento e permitan o paso do aire a través deles e se expulse pola boquilla de saida.

Deseño:

A continuación móstranse unas fotografías co deseño do prototipo:

 

 

Materiais:

Coma base para o grifo neumático empregarase plafón de madeira. Tamén se utilizan pequenos tacos de madeira coma soportes para os distintos elementos da montaxe.
Para construir o canal do aire úsanse 2 globos e a cápsula dun carrete de fotos, así coma parte das tapas duns rotuladores para as boquillas.
Para o sistema de peche e apertura do grifo, emprégase unha pequeña goma elástica, un anaco de cordel, un pequeño motor eléctrico, cable de cobre para as conexións, un pulsador e unha pila de petaca.

No tocante á ferramenta empregada no proxecto, usouse unha serra de man para cortar a madeira necesaria para a base e os soportes, texoiras para facer un pequeño corte nos globos e cortar e pelar o cable eléctrico, a pistola de silicona para fixar os diferentes componentes á base de madeira e ós soportes, así coma a goma e o cordel á capsula do carrete, e un berbiquí para facer o buraco do soporte do cordel no eixo do motor e o enganche da goma elástica.

Medidas:

A base na que se monta o prototipo ten unas dimensións aproximadas de 20x60 centímetros. Os soportes do canal son aproximadamente cadrados, de lados de 4 centímetros. A cápsula do carrete ten una lonxitude de 5 centímetros cun diámetro de 2,5 centímetros. As tapas dos rotuladores teñen una lonxitude aproximada de 4 centímetros.

Fases de construcción:

En primeiro lugar deséñase o modelo do grifo a construir. A continuación córtase a madeira e os soportes para o grifo. Constrúese o canal de aire practicando orificios nos globos e embutindo a cápsula do carrete con eles. A continuación móntase o canal do aire nos soportes. O seguinte paso é montar o sistema de apertura e peche do canal de aire coa goma elástica para a posición de pechado en primeiro lugar, e para a apertura co motor eléctrico de seguido. Esta é a fase crítica da montaxe, xa que para que o grifo funcione adecuadamente o axuste tanto da goma elástica coma do cordel no motor eléctrico debe ser moi preciso para que o grifo funcione correctamente. Para rematar, unha vez comprobado que o motor abre correctamente o grifo, fíxanse as conexión eléctricas do motor, o pulsador e a pila na base de madeira.

Reparto de fases:

A etapa de deseño faise de xeito conxunto. A continuación, mentres un dos membros do grupo selecciona e corta a madeira para a base e os soportes do grifo, o outro membro constrúe o canal do aire cos globos, a cápsula do carrete e as tapas dos rotuladores. Unha vez rematadas ambas tarefas, o membro do grupo que preparou o canal do aire o monta nos soportes, mentres o outro membro prepara as conexión para o sistema de apertura e peche do grifo. Dada a importancia do correcto axuste deste sistema, as conexión finais da goma elástica e o cordel que une o eixo do motor gos globos realizarase entre os dous membros do grupo. Finalmente repartese o traballo do conexionado eléctrico definitivo entre os dous componentes do grupo. Para rematar, un acciona o grifo mentres o outro graba un vídeo co funcionamento do mesmo.

Temporización:

Para a realización do grifo neumático, utilizamos aproximadamente a metade dunha sesión (2 horas), e case a totalidade da sesión seguinte, excluíndo o descanso e a explicación teórica (3 horas aproximadamente), polo que a duración aproximada serían 5 horas. A estimación do tempo necesario para que levaran a cabo o mesmo proxectos os alumnos sería aproximadamente a mesma, realizando unha estimación de 6 horas para que teñan tempo suficiente para rematalo. O ideal sería poder agrupar as horas de traballo en sesións dobles para que o tempo renda máis, xa que 7 sesións normais de 50 minutos poden resultar escasas.

Video de funcionamento:

Para rematar, ilustramos o funcionamento do grifo neumático cun vídeo do mesmo.